海魂燒 (Closed)

黃雨之下由炮台山行去天后方向，行到某個大天橋下，實在有遮都難行，唯有揾間餐廳食飯，等細雨再上路，眼見有幾間餐廳，見海魂燒個名幾配合天氣，就揀左呢間；一口帆立貝海膽 $68/份，上一件帆立貝，下一件帆立貝，中間夾足一湯匙份量海膽，配上清新沙律菜，色彩繽紛；炸芝士年糕 $48/2件，炸得脆口，芝士夠多；鵝肝煎雙蛋飯 $88/份，看似高級版嘅暗然銷魂飯，雙蛋煎得靚，鵝肝有兩塊，份量唔大，勝在煎得夠嫩，所有材料及飯放响熱辣辣嘅石鍋內，燒到好似跳舞咁，好有動感，食到底有飯焦，是項唔錯嘅選擇；黑松露芝士牛油焗雜菌 $42/份，錫紙盤上，有啲似野餐，有黑松露醬放上雜菌菇中間，芝士都有些拉絲，但對芝痴就覺得唔夠芝士味。