Video
Read full review
2019-01-06
279 views
行開波鞋街睇波鞋，行到尾又要溫下嘢食。突然見到有新記雞粥，耳，呢間新記雞粥咪係我哋元朗新記嘅分店，見到佢開到嚟旺角真係好欣慰！傳統粥店而家已經好難搵，大財團啲粥品又貴粥底又唔靚。所以係旺區搵到間傳統粥店真係要多多幫襯。呢度嘅馳名生滾煲仔粥品有貴妃雞粥，海鮮粥等等，見咁耐冇食過黃鱔，今晚就叫左個黃鱔粥，大大煲都係$48，有5,6舊無骨黃鱔，肉質結實。加多個大大片豬潤都係加6蚊咋，補下血氣！粥底好靚好綿！食粥又點可以冇炒麵，加多個豉油王炒麵，啲色水幾靚，混醬係必然。仲有腸粉都係必食，呢個叉燒腸皮薄餡多，熱辣辣蒸起好軟好滑。加多個腐乳炒通菜健康一下，略嫌腐乳味較淡，個人較鍾意重口味。天氣咁凍，極速食飽飽暖笠笠，又可以返隔離繼續濕平！
呢度嘅馳名生滾煲仔粥品有貴妃雞粥，海鮮粥等等，見咁耐冇食過黃鱔，今晚就叫左個黃鱔粥，大大煲都係$48，有5,6舊無骨黃鱔，肉質結實。加多個大大片豬潤都係加6蚊咋，補下血氣！粥底好靚好綿！
食粥又點可以冇炒麵，加多個豉油王炒麵，啲色水幾靚，混醬係必然。
仲有腸粉都係必食，呢個叉燒腸皮薄餡多，熱辣辣蒸起好軟好滑。
加多個腐乳炒通菜健康一下，略嫌腐乳味較淡，個人較鍾意重口味。
天氣咁凍，極速食飽飽暖笠笠，又可以返隔離繼續濕平！
Post
