Video
Read full review
2023-04-17
3167 views
📌 泓一拉麵 - 紅磡德民街29號德民大廈地下F4號舖🗓(16/4) 星期日 ⏰ 晚上6點左右 🌐網址: https://s.openrice.com/QrbS0gyI4W0~ueeoDBA 💈特式：每次行過都見到呢間拉麵店大排長龍，一直都想試好耐，咁啱今次行過見到得4個人排，所以就即刻排埋一份，當時大約係5:40分，原來間舖晚市開6點，所以當時先唔係咁多人，但去到差唔多6點，門口已經排左差唔多20人，入到店先知原來餐廳只有8個吧枱坐位，唔怪得知一直都排長龍。🥩🍔🌭🌮🥗🥯🥘🍲🍝🍣🥟🍤🍱食物：餐廳主力賣拉麵，種類亦唔多，只有6款不同湯底嘅拉麵及1款沾麵，而家等我同大家講下🍜味道先。雞白湯拉麵 - 呢個係餐廳No.1推介，上台時見到個湯底真係好白，仲有好多泡沫，麵底係幼直身拉麵，配料有一隻糖心蛋，兩片叉燒，一片雞肉，筍條/紫洋蔥絲/蔥花。首先個湯底都係好清好香濃，飲完亦唔會口乾，全部清晒；麵質適中亦掛到湯汁，不過我下次可能會要求個麵底煮硬身少少，咁食到尾都仲可以食到麵個質感多d。配料比較簡單，但做得都唔錯，尤其係隻糖心蛋，味醂同醬油味足夠，同埋唔會只留係表面，入面都仲食到有味。背脂醬
🗓(16/4) 星期日 ⏰ 晚上6點左右
🌐網址: https://s.openrice.com/QrbS0gyI4W0~ueeoDBA
💈特式：每次行過都見到呢間拉麵店大排長龍，一直都想試好耐，咁啱今次行過見到得4個人排，所以就即刻排埋一份，當時大約係5:40分，原來間舖晚市開6點，所以當時先唔係咁多人，但去到差唔多6點，門口已經排左差唔多20人，入到店先知原來餐廳只有8個吧枱坐位，唔怪得知一直都排長龍。
🥩🍔🌭🌮🥗🥯🥘🍲🍝🍣🥟🍤🍱
食物：餐廳主力賣拉麵，種類亦唔多，只有6款不同湯底嘅拉麵及1款沾麵，而家等我同大家講下🍜味道先。
雞白湯拉麵 - 呢個係餐廳No.1推介，上台時見到個湯底真係好白，仲有好多泡沫，麵底係幼直身拉麵，配料有一隻糖心蛋，兩片叉燒，一片雞肉，筍條/紫洋蔥絲/蔥花。
首先個湯底都係好清好香濃，飲完亦唔會口乾，全部清晒；
麵質適中亦掛到湯汁，不過我下次可能會要求個麵底煮硬身少少，咁食到尾都仲可以食到麵個質感多d。
配料比較簡單，但做得都唔錯，尤其係隻糖心蛋，味醂同醬油味足夠，同埋唔會只留係表面，入面都仲食到有味。
背脂醬油拉麵 - 呢個除左湯底外，其他大致上一樣，個湯底就係日式醬油底，但唔會太咸，表面有一層油脂，但飲落口亦唔會覺得有肥膩感，都係飲到清晒。
日式餃子 - 叫任何拉麵款式都可以加$25蚊配一碟餃子，一碟有5隻，味道都ok，但佢地係屬終半煎半蒸嘅做法，所以唔會食到好脆口，但就比平時食到嘅煎餃子濕潤d。
☕️🍵🥤🧋🍺🍷🥃🍹🧉🍾🍶🥛
飲品 : 飲品就無特別叫，但佢地都似日本拉麵店有自助冰水提供。
🍽環境：餐廳環境無論格局/裝修/佈置/擺設都係類似日本地道拉麵店咁樣，8個坐位排排坐都係吧枱位，唔會話好舒適 ，但又不致於坐得唔舒服。
🤵🏻🤵🏻♀️🤵🏻♂️服務：店員服務態度都唔錯，人落完order食物都好快到，另外餐廳有特登提供髮圈係枱面比長頭髮嘅女士使用。
💰💸價錢：佢地嘅拉麵就由$82~92蚊不等，我地叫左個兩個拉麵加埋一客餃子，埋單就$211，無加一收費。
🐲💬總結：食物質素係真心唔錯，雖然無日本食到咁高質，但係香港食到呢個質素嘅拉麵，價錢都合理，如果撞啱唔係好多人排隊我應該會再幫襯。
推薦指數：❤️❤️❤️❤️❤️
雞白湯拉麵
$98
92 views
0 likes
0 comments
糖心蛋
59 views
0 likes
0 comments
背脂醬油拉麵
$88
60 views
0 likes
0 comments
日式餃子
$25
38 views
0 likes
0 comments
Post
