泰 (Closed)

平時食泰國嘢都會去九龍城，但住黃大仙的朋友仔鍾意去鳳凰村附近的小店。小店裝修都幾雅致，員工態度亦幾親切。可惜人手看來不足，全晚只有一個員工負責招呼客人。一場黎到一定要食冬陰公火鍋，用冬陰公來打邊爐幾夠特色。或者係冬陰公要即製的關係，都等左一段時間先有飯開。但等待是值得的！湯底上枱香氣撲鼻，而且配料亦好豐富。先嘗一口冬陰公湯底，絕對唔俾傳統的泰國餐廳遜色，酸中帶辣，好惹味。我哋一直等待冬陰公湯底滾起，但店員提醒我哋，用呢個冬陰公打邊爐係唔需要滾起的，佢哋建議用慢煮的方式煮食。雖然幾新奇，但我哋都係將火較大少少比較安心。配料中的雞肉好滑溜，而且牛肉有牛味，海鮮亦新鮮可口。配料吸收晒冬陰公湯底的精華，好美味。整體而言，用冬陰公做湯底打邊爐的確有新意。而且佢哋冇加好多水，係濃郁的冬陰公湯。各款配料加落去之後，實在好好味。如果幾個朋友仔，嘆住啤酒慢慢烚下烚下，又或者做宵夜，確係唔錯。