黃金廚房

Open Now

Now Closed

見到深水埗有間新開嘅火鍋，就拉埋三五知己一齊去試下。入到去原來除咗火鍋之外都有酸菜魚食，所以就嗌火鍋配料之外都叫咗個酸菜魚。老壇酸菜魚鍋 $168😋首先講下個酸菜魚，其實個外觀都幾吸引，中央有一大咋芫茜，形成一個中心，然後酸菜魚就圍住去擺，再外圍就係辣椒，而最外圍就係生根，形成一幅好美麗嘅圖畫。味道方便當然都係非常入味，酸酸辣辣咁味道啱啱好。黃金四寶丸$108 😋有齊蝦丸，墨魚丸，鯪魚球，牛丸。同樣隻碟都相當之靚，用左長型嘅碟擺放，中間有棵花。口感都非常彈牙而且新鮮，似係人手極嘅。呢個好處係可以樣樣丸都試下，唔使話一嗌就係同一款式。花雕豬腦 $48😋出奇地都幾新鮮，入口嘅質感保持到似豆腐花咁樣軟綿綿，粉粉蓉蓉咁樣一定好補腦啦。