壽司郎 (瓊華中心)

Open Now

Now Closed

上星期某一日黃色暴雨警告下，因為要出旺角做facial ，6點去壽司郎拎籌，諗住碰下運氣，睇下截左Walk in未。最後好好彩，拎到飛，不過都等左成個鐘。今次試左六月期間限定嘅松阪牛壽司🍣入口即溶的和牛，好似食緊牛肉丼咁😂朋友叫左個白子壽司😵‍💫食左咁多次壽司郎，呢個真係第一次試，但不了不了🫠食落有啲腥，唔岩我口味。另外，每次到壽司郎必食嘅特選中吞拿魚腩、蔥花吞拿魚軍艦、超抵食嘅蝦三味、赤蝦壽司、鰈魚鰭邊壽司、鰻魚壽司、小食嘅話就係，章魚粒同炸雞軟骨😍全部都係我嘅至愛❤️甜品方面，蜜瓜味雪芭同埋白桃味芭菲，酸酸地，好清新。今次兩個人埋單食左三百幾蚊🥰