Video
Read full review
2018-12-18
1921 views
最近諗起真係好耐無去過台灣，以前一有期就同朋友快閃去轉台灣鬆一鬆，狂掃街食台灣野，真係諗起都覺得正，而家忙工作生活，想快閃都好似抽唔到時間咁，唯有食下台灣菜頂下口癮，最神奇既係唯一得台菜真係食極都唔厭，仲愈食愈唔抗拒，可能我留戀魯肉飯既味道啦早幾日同朋友去左依間台式菜館食晚飯，食物種類繁多，睇餐牌睇到樣樣都想叫黎食，不過都係要取捨既，所以叫左五六樣食物大家一齊食台灣大甲香芋雞本身都愛食芋頭既我，一送黎聞到香噴噴既香芋味道，芋頭入口夠粉，軟脆適中有口感，雞肉嫩滑啖啖肉，沾滿芋頭汁一齊食好滋味，好食到仲想再叫多份，配白飯一流滷水拼盤拼盤中有牛筋、牛展、糖心蛋、滷豆腐同滷水鴨舌，牛筋食落好軟熟帶小小煙韌，滷得好入味，其中滷豆腐係必食，一般食到既滷豆腐都係外皮帶韌，質感較粗糙，但依度既滷得濃郁之外，食落非常嫩滑又好香豆味，超讚啊櫻花蝦爆包心菜食台菜必叫包心菜，包心菜食落爽脆可口，配櫻花蝦炒更加惹味十足三杯蛤蜊用左少許酒調味，穫氣好夠，加上隻隻蜆都大隻肉厚，加分呀！忠孝魯肉飯壓軸既魯肉飯終於送上了，等到頸都長，淨睇賣相已經覺得好好味，除左魯肉碎之外，旁邊放左雪菜、炸蒜碎同大大粒既糖心蛋食啖飯配哂
早幾日同朋友去左依間台式菜館食晚飯，食物種類繁多，睇餐牌睇到樣樣都想叫黎食，不過都係要取捨既，所以叫左五六樣食物大家一齊食
台灣大甲香芋雞
本身都愛食芋頭既我，一送黎聞到香噴噴既香芋味道，芋頭入口夠粉，軟脆適中有口感，雞肉嫩滑啖啖肉，沾滿芋頭汁一齊食好滋味，好食到仲想再叫多份，配白飯一流
滷水拼盤
拼盤中有牛筋、牛展、糖心蛋、滷豆腐同滷水鴨舌，牛筋食落好軟熟帶小小煙韌，滷得好入味，其中滷豆腐係必食，一般食到既滷豆腐都係外皮帶韌，質感較粗糙，但依度既滷得濃郁之外，食落非常嫩滑又好香豆味，超讚啊
櫻花蝦爆包心菜
食台菜必叫包心菜，包心菜食落爽脆可口，配櫻花蝦炒更加惹味十足
三杯蛤蜊
用左少許酒調味，穫氣好夠，加上隻隻蜆都大隻肉厚，加分呀！
忠孝魯肉飯
壓軸既魯肉飯終於送上了，等到頸都長，淨睇賣相已經覺得好好味，除左魯肉碎之外，旁邊放左雪菜、炸蒜碎同大大粒既糖心蛋
食啖飯配哂所有配料真係好好食，炸蒜香脆惹味口感加鹹香雪菜連惹味魯肉碎大啖食，真係超正，糖心蛋食落夠流心香甜，加上大碗到夠兩個人食，依個真係不得不叫呢
忠孝牛肉麵
分別叫左黑湯同白湯，黑湯係牛肉濃湯底，而白湯係濃雞湯
我個人比較喜愛雞湯底，飲落清得黎又唔會淡，帶香濃雞肉味，飲落無負擔，另外一樣喜歡原因係可以食到牛展本身牛香味，燉得好軟熟，入口幾乎即溶，而麵底食落比較似刀削麵，口感彈牙順滑，唔錯喔
台式麻糬窩夫配朱古力泡沫果仁
食飽點少得甜品，外脆窩夫入面夾左麻糬，配埋雪糕咁食冰火相溶，又唔會太甜！
忠孝芋圓
芋圓又點少得，份量十足既彩色粒粒芋圓，夠煙韌又重芋味，好好食，糖水底又唔會太甜，甜度適中，面頭芒果冰，拌埋食味道又幾夾啵
金棗·青檸·桂花茶
清香帶酸桂花茶，飲落舒服又解膩
整體而言，所有食物都唔錯，個人最欣賞係魯肉飯同香芋雞，的確係必點菜式呀，好想又encore了😭
Post
