L'attitude (Closed)

9點幾，幾個女仔食完飯轉場傾計，大家唔餓想搵得意野食呃下like。呢間見到好多次都未有機會食就試下，因為俾個Thunder（上面灰色雨雲樣棉花糖加個閃電下面雪糕） 吸引住，上黎睇食評先見到有個新公仔樣既😍仲有多個special添，咁個thunder就行埋一邊😂佢左萬聖節special南瓜鬼（疑似橙味棉花糖加百力支扭紋雪糕）、鬼火（藍莓味棉花糖加扭紋雪糕）、夢幻熱氣球（疑似士多啤梨味棉花糖加士多啤梨百力支牛奶軟雪糕加士多啤梨醬）、綠茶提拉米蘇（有綠茶粉加牛奶雪糕和小蛋糕），侍應姐姐好細心解釋係咩黎同可以加乜，仲教我地食左一半棉花糖再唱一半加落個雪糕度食。有解釋話要棉花糖要啲時間比左兩杯凍水同熱水我哋等我哋慢慢一路傾計。服務態度真係好好中間仲要我地掛住影相（因為太可愛）叫我哋快啲食怕佢溶咗唔好食😆仲介紹咗我哋喺萬聖節呢一個星期食滿＄200就可以占卜添。唔同顏色棉花糖其實有少少唔同味嘅，軟雪糕滑，朱古力雪糕都唔到咁濃😋食到尾都幾甜，如果佢有提供濕紙巾就好喇。