Café Crêpe (K11購物藝術館) (Closed)

不得了，每次去尖沙咀 十次八次都會黎呢間，出面都有人龍，有職員會安排座位，要客人先點餐，然後自取食物。每次黎都見好多人都係食Crepe 為多。成日都話下次食其他但最後都係食返呢個蘋果金寶Crepe。即使有好多唔同口味但就係鍾情呢款爆甜嘅金寶，點都好，最後都係食返呢款過下口癮。Crepe係熱，上面再加埋球雪糕，一冷一熱嘅口感真係好正好得意，上面嘅焦糖脆脆一啲都唔吝嗇，鋪滿成個Crepe，係好甜係好肥，但真係好滿足，再加杯齋啡真係極滿足。