花說 (Closed)

今次下晝再同閨密黎花說食tea,黎之前打左黎想坐粉紅枱，我地3點黎到就即刻有位喇💕門口真係好粉紅既佈置，哩個霓虹燈燈超靚😍影左好多靚相 呵呵❤️天花板既旗仔好可愛，哩張台就係我留果張，靚，好多花花🌸 我地拎左黎影相😆bar枱位陽光透射既效果影出黎個人像超靚 天然打燈😆凍伯爵茶朱古力 $40出面好少見到哩款朱古力，伯爵茶味好香呀，有茶香味既朱古力好好飲，個杯都好可愛，輕鬆打卡。富士山蛋糕 $48好靚既蛋糕呀😍藍色漸變超靚，蛋糕外層既cream 好滑微甜，入面係咖啡醬同有海綿蛋糕夾心，好味，細細地又係行可愛風。紅絲絨蛋糕 $38好軟綿綿既蛋糕，食到係朱古力味，有個熊仔擺設好得意呀💕玫瑰梳打 $38見佢粉紅色叫左黎飲，面頭有玫瑰花，飲落係清香既花味，清清地好飲呀。中意哩度用紙飲管！次次黎花說都覺得好開心，仲影左靚相，下次會再黎。