雞煲

Open Now

Now Closed

聽聞士美菲路熟食中心高手雲集，今晚同屋企人嚟雞煲食雞煲，六點幾去到好彩仲有幾張枱，唔使排隊先嚟一個大笪地小辣雞煲加豬粉腸，呢個邪惡👿兼麻甩嘅配搭，加埋支啤酒，gur 晒啱啱上枱嘅雞最嫩滑，豬粉腸又香又嫩，唔韌，呢個要趁熱食，擺咗一輪就會老了涼拌辣魚皮，我唔係好食得辣，係就係辣啲，但好正，瞇埋眼食以為自己食緊海蜇頭，點解世上會有咁爽嘅魚皮㗎！椒鹽鮮魷要俾個like，呢個鮮魷好鮮，薄薄脆粉輕輕的包住炸得啱啱好嘅鮮魷，我一個人清咗大半碟😂食完雞煲之後就叫咗啲火鍋料打邊爐：有肥膏嘅鵝腸，牛柏葉，紅薯粉，一碟菜。生料正正常常，不過要特別提吓紅薯粉，晶瑩滑捋捋，為晚上嘅火鍋畫上完美嘅句號。