PHO 會安 (Closed)

本身好喜歡食越南粉！見評分咁高！點都要去試下！一行八人，被安排到由三張雙人檯合拼既大檯！其實真係好迫！但反映幾次都係意見接受，態度照舊！大約叫左3碗生牛肉粉，2個紙米卷，軟殼蟹柚子沙律，牛柳粒紅米飯，蝦沙律，咖哩牛腩加法飽！其實都算係試過其中一間比較渣既越南餐廳！生牛肉粉-牛肉份量足夠，有牛肉味同都幾淋！湯溫度夠熱！但解決唔到放左牛肉後影響湯既溫度！湯頭實在太淡！接緊冇味！一般食越南粉我係冇剩湯除非…又冇跟辣椒，香葉，士拉差，海鮮醬！可能唔同省份都有唔同食法！紙米卷算係咁多味野叫做做得唔錯！但跟個醬就麻麻地！蝦沙律，牛柳粒紅米飯-中規中矩！咖哩牛腩-個牛腩一般到唔一般！個法飽黎到係凍！又唔脆！軟殼蟹沙律-我見到個炸漿已經冇諗住食！最後一提就係服務有好大改善空間！有個姐姐企係門，叫親佢都元壇咁既面口！希望餐廳可以係食物同服務有所改善！因為係香港搵間有質素越南餐廳好難！