一寿司 (Closed)

一壽司，黑夜壽司。真係往事只能回味。呢間壽司以前十點鐘後嘅黑夜壽司半價優惠，排隊排長龍，質素依然好好。以前鋪頭仲有長長嘅熱帶魚魚缸，環境好靚。而家提早六點鐘做半價優惠，依然排長龍，滿心期待，可惜失望而回。最失敗係佢嘅壽司飯完全冇醋味，海膽壽司有腥味，燒鰻魚係凍既，其它壽司亦都唔新鮮。唯一正常就係串燒同埋冷面，不過呢兩樣都冇半價優惠。(半價只限壽司刺身同飲品) 一定唔會再有下次嚕。呢個真個惡性循環，原本好地地點解要做到自己咁低呢。