Video
Read full review
2010-06-10
50 views
同男友去試一壽司的黑夜壽司,11點去到,11點半last order。其實我地無睇清楚邊d食物有半價優惠,但埋單先發覺原來只係壽司,手卷同刺身先有半價,小食同飲品係無半價,等我地仲計到盡,要每人消費80蚊咁辛苦添。其實消夜壽司既質素一般,唔知係咪因為做定。不過就幾抵既。壽司三文魚($10): 普通,肥瘦適中。三文魚三食($22): 搵笨呀~~三食係一件普通三文魚,一件黑椒煙三文魚,一件普通三文魚面加上幾條洋蔥。點解可以貴咁多。汁煮帆立貝($28): 熟帆立貝無左平時生帆立貝的味道,又凍,又無乜醬油或麵鼓汁味,即係無汁味無帆立貝味,如果蒙住眼完全唔知自己食緊咩。香芒甜蝦($26): 好香芒果味,又甜,用青瓜代替紫菜包住壽司,加一點清新同爽脆,有點似食緊沙律。牛油果蟹棒($14): 其實食唔到牛油果的味道,唔知點解真係無咩味覺刺激。黑籽劍魚粒軍艦($14): 幾好味。蟹肉腐皮($14): 腐皮好甜同埋好凍。小食吉列廣島蠔($42): 熱辣辣,脆卜卜,不錯不錯,而且蠔脹卜卜,又有膏。清酒煮蜆($35): 個湯好好味,我地都飲左半碗。除左蜆,仲有雜菇作配料。鰻魚手卷($18): 普通的鰻魚手卷
其實消夜壽司既質素一般,唔知係咪因為做定。不過就幾抵既。
壽司
三文魚($10): 普通,肥瘦適中。
三文魚三食($22): 搵笨呀~~三食係一件普通三文魚,一件黑椒煙三文魚,一件普通三文魚面加上幾條洋蔥。點解可以貴咁多。
汁煮帆立貝($28): 熟帆立貝無左平時生帆立貝的味道,又凍,又無乜醬油或麵鼓汁味,即係無汁味無帆立貝味,如果蒙住眼完全唔知自己食緊咩。
香芒甜蝦($26): 好香芒果味,又甜,用青瓜代替紫菜包住壽司,加一點清新同爽脆,有點似食緊沙律。
牛油果蟹棒($14): 其實食唔到牛油果的味道,唔知點解真係無咩味覺刺激。
黑籽劍魚粒軍艦($14): 幾好味。
蟹肉腐皮($14): 腐皮好甜同埋好凍。
小食
吉列廣島蠔($42): 熱辣辣,脆卜卜,不錯不錯,而且蠔脹卜卜,又有膏。
清酒煮蜆($35): 個湯好好味,我地都飲左半碗。除左蜆,仲有雜菇作配料。
鰻魚手卷($18): 普通的鰻魚手卷,鰻魚汁都足夠,食到底都仲有鰻魚,都好抵食。
帆立貝刺身($35): 有6片,不太新鮮。
提子汁飲品($26): 一小罐,搖幾搖,倒出來,不是平時的很流質的,而是結結地,一pat野咁,好奇怪。
Post