Video
Read full review
2020-03-23
221 views
特別鐘意喺黑布街搵，貪佢呢度夠多隱世嘅小店，今日就嚟到其中嘅呢一間居酒屋品嚐一下。前菜係花生麻醬秋葵，麻醬秋葵就食得多，加埋花生都係第一次試，花生同麻醬嘅香味好夾。 時令刺身，時令刺身分別係八爪魚、油甘魚、深海池魚同埋中拖羅，首先試一試個八爪魚先，平時通常覺得最下欄嘅八爪魚，材料新鮮就成為上菜，呢度嘅八爪魚爽口彈牙，唔會好似出面啲餐廳好似食擦子膠咁；油甘魚肉質厚實滑嫩，魚肉細緻甘甜，入口即融；深海池魚脂肪比例適中，口感爽嫩，肉質有彈性得嚟帶啲油份，味道甜美；中拖羅嘅色水唔使講， 真係靚到一個點，魚肉粉紅，呈白色帶網紋嘅筋，中間肌理分明，有如和牛般霜降般嘅效果，網紋嘅肉筋不帶半點渣，入口鬆化即溶，肉質油潤而軟滑，魚味濃郁，是為上品。帝松，侍應推介呢隻帝松經典嘅「淡麗辛口」清酒，具有辛辣嘅味道，清新嘅香氣，順喉同埋清爽嘅回甘，餐廳提供嘅酒杯亦都非常特別，以錫嚟打造嘅外殼，裏面再造一層鍍金，有少少以前皇帝嗰種氣派。串燒豬五花，四成肥六成瘦嘅豬五花，燒過之後油脂爆發，惹人垂涎，一擺上枱已經聞到淡淡嘅油香， 只係輕輕以海鹽黑椒同埋七味粉調味，已經相當好食。 串燒雞尾，串燒雞尾騷味唔算太濃，同行嘅
特別鐘意喺黑布街搵，貪佢呢度夠多隱世嘅小店，今日就嚟到其中嘅呢一間居酒屋品嚐一下。
前菜係花生麻醬秋葵，麻醬秋葵就食得多，加埋花生都係第一次試，花生同麻醬嘅香味好夾。
時令刺身，時令刺身分別係八爪魚、油甘魚、深海池魚同埋中拖羅，首先試一試個八爪魚先，平時通常覺得最下欄嘅八爪魚，材料新鮮就成為上菜，呢度嘅八爪魚爽口彈牙，唔會好似出面啲餐廳好似食擦子膠咁；油甘魚肉質厚實滑嫩，魚肉細緻甘甜，入口即融；深海池魚脂肪比例適中，口感爽嫩，肉質有彈性得嚟帶啲油份，味道甜美；中拖羅嘅色水唔使講， 真係靚到一個點，魚肉粉紅，呈白色帶網紋嘅筋，中間肌理分明，有如和牛般霜降般嘅效果，網紋嘅肉筋不帶半點渣，入口鬆化即溶，肉質油潤而軟滑，魚味濃郁，是為上品。
帝松，侍應推介呢隻帝松經典嘅「淡麗辛口」清酒，具有辛辣嘅味道，清新嘅香氣，順喉同埋清爽嘅回甘，餐廳提供嘅酒杯亦都非常特別，以錫嚟打造嘅外殼，裏面再造一層鍍金，有少少以前皇帝嗰種氣派。
串燒豬五花，四成肥六成瘦嘅豬五花，燒過之後油脂爆發，惹人垂涎，一擺上枱已經聞到淡淡嘅油香， 只係輕輕以海鹽黑椒同埋七味粉調味，已經相當好食。
串燒雞尾，串燒雞尾騷味唔算太濃，同行嘅女仔都食得津津有味，既可以享受軟骨嘅清脆，又可以同女伴一齊分享，的確好極。
醬油花螺，醬油花螺煮得相當入味，基本上乜嘢都唔使點，淨係享受日本醬油同埋味醂對螺肉嘅加持， 已經相當滿足。
燒池魚，柚子醬油，廚師將燒池魚嘅火侯掌握得剛剛好，池魚燒得皮脆肉嫩，散發著香濃嘅池魚魚味， 點一點個酸酸地嘅柚子醬油，更能刺激味蕾。
水信玄餅，水信玄餅喺香港唔係好多居酒屋有得食，一喺餐牌度見到即刻心心眼，圍繞住玄餅嘅黑色光環係沖繩黑糖，玄餅同黑糖呢個配搭都幾好，為今晚劃上一個圓滿嘅句號。
Post
