Video
Read full review
2023-07-13
36 views
🍴🍽🍴🍽🍴🍽🍢🍢🍢🍢🍢🍴🍽🍴🍽🍴🍽-有時夜晚約朋友傾計想飲杯好野，但通常飲嘢嘅地方食嘢都麻麻地又唔飽。今次嚟到辛手村，有好嘢飲之餘又仲可以嗌個干鍋happy share, 想再飽啲仲可以嗌白飯😂，好飽好滿足🥰。🥢 沙茶麻辣干鍋 $250 🆙傳統bb辣味干鍋味道近似沙嗲醬，但多咗少少川椒嘅麻味，亦都有啲花生醬味好香濃。鍋底本身有薯絲同娃娃菜，吸哂啲醬汁味勁惹味😋。配料揀咗肥牛片、雞軟骨、振興濃汁牛丸同芋絲，份量好足食極都未食完，最有驚喜係雞軟骨，香脆有咬口而且好少喺干鍋嗌嚟食，牛丸都好彈牙好濃牛肉味😋。見到干鍋仲有麻辣黑松露同日式壽喜燒味揀，原來係餐廳自創口味，下次再試！🥢 Girlfriend Material(接骨木花味cocktail) $98 🆙呢杯好有驚喜，係有氣嘅，酒味唔算濃，帶有酸酸甜甜嘅芒果味，既溫柔又可愛，真係gfable 🤣。🥢 自己柚（日本柚子味）$88 🆗呢杯gin 做base 酒味比較濃，配以柚子都好清新亦都好夾。🥢 日本直送炸迷你紫薯 $24 🆗紫薯好甜，炸到好香口，但個人都係中意唔係炸嘅🤣。🥢 川燒魷魚鬚串 $42 🆗魷魚新鮮爽口，肉質彈牙，辣椒粉算多所以有
-
有時夜晚約朋友傾計想飲杯好野，但通常飲嘢嘅地方食嘢都麻麻地又唔飽。今次嚟到辛手村，有好嘢飲之餘又仲可以嗌個干鍋happy share, 想再飽啲仲可以嗌白飯😂，好飽好滿足🥰。
🥢 沙茶麻辣干鍋 $250 🆙
傳統bb辣味干鍋味道近似沙嗲醬，但多咗少少川椒嘅麻味，亦都有啲花生醬味好香濃。鍋底本身有薯絲同娃娃菜，吸哂啲醬汁味勁惹味😋。配料揀咗肥牛片、雞軟骨、振興濃汁牛丸同芋絲，份量好足食極都未食完，最有驚喜係雞軟骨，香脆有咬口而且好少喺干鍋嗌嚟食，牛丸都好彈牙好濃牛肉味😋。
見到干鍋仲有麻辣黑松露同日式壽喜燒味揀，原來係餐廳自創口味，下次再試！
🥢 Girlfriend Material(接骨木花味cocktail) $98 🆙
呢杯好有驚喜，係有氣嘅，酒味唔算濃，帶有酸酸甜甜嘅芒果味，既溫柔又可愛，真係gfable 🤣。
🥢 自己柚（日本柚子味）$88 🆗
呢杯gin 做base 酒味比較濃，配以柚子都好清新亦都好夾。
🥢 日本直送炸迷你紫薯 $24 🆗
紫薯好甜，炸到好香口，但個人都係中意唔係炸嘅🤣。
🥢 川燒魷魚鬚串 $42 🆗
魷魚新鮮爽口，肉質彈牙，辣椒粉算多所以有少少嗆口，都好惹味。
🥢 辛燒魚腐串 $25 🆗
平時米線浸湯食魚腐就食得多，今次原粒咁炸同燒真係第一次，都幾香口。
🥢 川燒韭菜 $22 🆗
勁大棵韭菜，其實燒韭菜好易燶，所以都比較多油，係好香口，亦有好濃孜然粉味。
📌 餐廳喺每晚9點30會調校燈光，改變成酒吧形象，好有feel😆。
🥸評價 𝗥𝗮𝘁𝗶𝗻𝗴𝘀🥸
食物 𝗙𝗼𝗼𝗱 7/10
環境 𝗘𝗻𝘃𝗶𝗿𝗼𝗻𝗺𝗲𝗻𝘁 7.5/10
服務 𝗦𝗲𝗿𝘃𝗶𝗰𝗲 7.5/10
性價比 𝗩𝗮𝗹𝘂𝗲 𝗳𝗼𝗿 𝗠𝗼𝗻𝗲𝘆 7/10
整體 𝗢𝘃𝗲𝗿𝗮𝗹𝗹 7.25/10
-
🍴🍽🍴🍽🍴🍽🍢🍢🍢🍢🍢🍴🍽🍴🍽🍴🍽
Post
