Video
Read full review
2018-09-13
78 views
小弟身為芝士控+黑松露愛好者, 只要有聽聞坊間餐廳有呢兩種食物的地方, 我都盡力會去品嚐一下, 滿足食慾。早排身邊有朋友介紹, 位於大角咀大全街有一間以船為主題的餐廳, 入面有一道得獎菜式, 集合芝士與黑松露於一身。我聽到呢個消息後, 立即找朋友一齊去試, 睇下呢個得獎菜式有幾出色。一入到餐廳, 聽經有置身船中的感覺, 天花全是與船有關的裝修, 非常特別。金船長的餐牌, 亦花多眼亂, 非常多種類的食物供客人選擇。一場黎到, 首先一定要叫呢度的招牌得獎菜 - 黑松露菌醬意式馬斯卡普芝士夾心Pizza。侍應一送上呢款菜式, 就介紹我地有三個食法。第一個食法係原味咁食, 第二種食法係加入沙律菜, 第三種係加上附送的蘋果醋汁。作為芝士黑松露愛好者, 當然先黎原味食法。首先呢個Pizza係夾心類型, 與平時食開的餅底有少少唔同。但件Pizza一放入口, 嘩嘩嘩嘩......我係不禁驚嘆個陣黑松露的香味非常濃烈, 喜歡黑松露的朋友一定一定一定非常滿足架!!! 至於芝士味呢.....其實就唔多強啦, 可能俾黑松露的味道蓋過左啦。加上佢通平時食開普通的Pizza有點不同, 唔係平時「芝心批」個種拉絲芝
早排身邊有朋友介紹, 位於大角咀大全街有一間以船為主題的餐廳, 入面有一道得獎菜式, 集合芝士與黑松露於一身。
我聽到呢個消息後, 立即找朋友一齊去試, 睇下呢個得獎菜式有幾出色。
一入到餐廳, 聽經有置身船中的感覺, 天花全是與船有關的裝修, 非常特別。
金船長的餐牌, 亦花多眼亂, 非常多種類的食物供客人選擇。
一場黎到, 首先一定要叫呢度的招牌得獎菜 - 黑松露菌醬意式馬斯卡普芝士夾心Pizza。侍應一送上呢款菜式, 就介紹我地有三個食法。第一個食法係原味咁食, 第二種食法係加入沙律菜, 第三種係加上附送的蘋果醋汁。作為芝士黑松露愛好者, 當然先黎原味食法。首先呢個Pizza係夾心類型, 與平時食開的餅底有少少唔同。
但件Pizza一放入口, 嘩嘩嘩嘩......我係不禁驚嘆個陣黑松露的香味非常濃烈, 喜歡黑松露的朋友一定一定一定非常滿足架!!! 至於芝士味呢.....其實就唔多強啦, 可能俾黑松露的味道蓋過左啦。加上佢通平時食開普通的Pizza有點不同, 唔係平時「芝心批」個種拉絲芝士黎。
至於第二種食法, 由於加入沙律菜, 個感覺健康左, 清新左, 沖淡左陣黑松露香味, 相反會提升返少少芝士味。但對於我喜歡黑松露的香味的人, 就唔會揀咁樣食。
至於加入蘋果醋汁, 其實對某些無咁喜歡黑松露味的朋友黎講係好事。蘋果醋汁的酸甜味會增加食慾, 減少芝士與黑松露的膩感。間接可以令人食多兩件唔怕濟啦~
然後我叫左兩款小食, 第一款就蜜糖雞亦。呢度D蜜糖雞亦焗得唔錯, 雞亦都幾滑, 而且佈滿蜜汁, 幾入味又夠脆口。而炸軟殼蟹亦唔錯, 新鮮炸出, 加上沙律醬, 唔會太勢氣, 兩者又夾。
主食方面, 我地選擇左豬手薯條。首先呢度的豬手好鬼大隻, 兩個男士食都好夠食。豬手烤得皮脆肉嫩, 唔會鞋口。加上蜜糖汁, 香甜可口, 又唔會令到豬手皮變淋。反正份量大到, 我同朋友都係幾勁努力先可以將佢完全消滅!
最後甜品係心太軟。呢度的心太軟焗得都唔錯, 入面仍然係流心朱古力。配上雲妮拿雪糕, 冰火的配搭, 為我地今晚的豐富晚餐畫上完美的句號。
Post
