來佬餐館 (Closed)

一班朋友嚟到灣仔食飯，呢間老牌餐廳都幫襯過幾次，佢哋新出套餐好似幾吸引，週末人數唔算太多，反而可以安靜咁坐低食下野傾吓偈。頭盤6小碟，款式多元化，黑松露炸薯條最吸引，黑松露味道離遠都聞到，外表炸得脆身，加上黑松露沙律醬，味道立即再提高。來佬一口海南雞飯，雞肉少少亦夠嫩滑。西班牙黑毛豬叉燒亦夠突出，肥瘦均勻，肉質淋又入味。法式香草焗田螺及蝦多士水準亦高。好在我哋有四個人一齊食，可以試齊唔同嘅主菜。法式牛柳伴鵝肝忌廉焗千層薯，3成熟啲牛柳控制得幾好，鵝肝亦夠大件，焗薯亦係10分濃香，就算好飽都忍唔住食多啲。燒西班牙橡果級黑毛豬，黑毛豬水準同前菜叉燒接近，亦都係肥瘦均勻，肉質彈牙。脆皮乳鴿配生菜包，呢個fusion配搭都幾特別，西餐廳嘅乳鴿都好有水平。火焰雪山夠大份，唔會好甜，亦唔會覺得好膩，食完成個套餐真係好足夠好飽。