良記餐廳(老鳳冰室) (Closed)

香港的傳統 冰室！！今日黎到深水埗搵下呢間老鳳冰室超鐘意黑松露既我平時都會係屋企整黑松露炒蛋多士！聽聞呢度都好出名，一於黎試個究竟。黑松露炒蛋多士  ($38)講明多士底，炒滑蛋濕濕會令到多士變軟，但好驚喜多士超脆卜卜，熱辣辣！應該有炸過，但完全唔會油。炒蛋夠滑，唔會炒過火！再望望上面毫不客氣的黑松露醬，其實一上枱就已經聞到好香。幾乎每一啖都食到黑松露真心值得推薦！！！！但$38就甘一份都算貴貴地蝦多士($38)$38有8件，睇落炸到十分酥脆，中間有千島醬,,,水果沙律。不得不提，其實蝦多士賣點係口感，味道真係要靠醬去畫龍點睛！每一件都有滿滿既蝦膠，夠彈牙！多士薄薄一塊，唔會好油，但唔算太特別。但呢度$38我會肯再encore!!!肉夾饃($38)印象中我未食過肉夾饃，所以唔知呢個正唔正宗。但係呢份肉夾饃包好似一般叉燒包既包，偏實。但肉醬偏甜，醬太多，食唔到肉既口感。會好膩，而且好易流出黎。原味波波奶茶($24)怕冰融化左令到奶茶變淡，所以用左用奶茶做既冰。奶茶好香濃細滑，好想一啖接一啖。原先落左糖漿會偏甜，如果想飲原始既味道可以叫半糖。其實呢度有好多特色菜單，下次會再黎試。