Aroma Truffle (Closed)

小弟由細到大都好鍾意食薯片，近年仲更加愛上左黑松露！無論係黑松露意粉定係黑松露薯條，小弟見到都即刻心心眼😍呢日行街見到竟然有黑松露薯片真係好難忍住唔試🤤小弟今次就試咗原味同巴馬臣芝士味～一打開咗少少個包裝d黑松露味已經湧晒出嚟😍😍雖然每塊都唔係太大塊，但係啲調味好夠味，食落塊塊都勁香黑松露味🤤上面仲有啲紫菜碎，估唔到紫菜加黑松露會更加提升到黑松露嘅香味，食落更加好味！至於芝士味，一打開包裝就聞到芝士同黑松露嘅香味，大家都唔會蓋過大家嘅香味！包裝上面都有拉鏈設計，唔使一次過食晒，可以分開幾次慢慢享受😌