Aroma Truffle (Closed)

一直都係Aroma Truffle嘅fans 😍,早排經過銅鑼灣先知道開咗實體店，原來仲係第一間海外分店添。作為小粉絲嘅我梗係掃咗兩包返屋企啦！今次揀咗原味同埋蜜糖芥末味，價錢一樣都係$69。一打開已經好濃郁嘅香味，意大利頂級黑松露配合口感酥脆嘅波浪形薯片，正！一食落去成個口腔都滿佈濃濃嘅黑松露味。完全食到停唔到口。至於蜜糖芥末味都好有驚喜，估唔到原來同黑松露係咁夾。而家開左實體店真係方便咗好多，下次一定要試埋其他口味啊。