Video
Read full review
2020-12-11
1032 views
食晚飯搭一個地鐵站就到大圍，嚟呢度個原因係因為今晚特別想食鵝肝，見到呢度有鵝肝意大利飯，所以就嚟試一試。餐廳同大圍站嘅距離都唔算太遠， 5分鐘就行得到，環境都唔錯，有一種歐洲酒吧風味。我揀咗一個近電視機位嘅地方坐，佢電視係用短投投射出嚟。餐廳環境亦都幾唔錯。我叫咗一個套餐就係鵝肝意大利飯，$188，另外我再加左$78 ，升級做套餐，有多杯飲品同埋甜品。意大利飯啱啱嚟到嘅時候，我就同朋友討論，佢啲意大利飯每一粒都幾硬身，幾有質感，唔會係好似漿糊咁。每一粒都好分明。如果係要享受快餐嘅話，呢碟意大利飯應該會搞到消化不良。所以應該係要慢慢食嘅。個醬汁幾香濃，幾唔錯。鵝肝對於好多人來講都可能會有少少驚，對於我一樣都係，驚太油膩，所以我都叫餐廳特別俾咗啲醋。餐廳俾咗我嘅係提子醋，點落去嘅時候，發現同鵝肝都幾夾，加咗醋之後嘅鵝肝，甜甜的，雖然都仲會有少少食油膩，但同醋撈埋一齊嘅時候嗰種感覺即刻冇咗。就一啲都唔肥膩。飲品叫咗凍咖啡，不過不失。甜品方面嚟咗呢個雪糕窩夫，令我都幾有驚喜，我起初以為窩夫上面會係用好多cream堆砌而成，但佢嘅窩夫細細份，上面有好多士多啤梨醬，同埋雲呢拿雪糕，個味道都幾立體，
餐廳同大圍站嘅距離都唔算太遠， 5分鐘就行得到，環境都唔錯，有一種歐洲酒吧風味。我揀咗一個近電視機位嘅地方坐，佢電視係用短投投射出嚟。
餐廳環境亦都幾唔錯。
我叫咗一個套餐就係鵝肝意大利飯，$188，另外我再加左$78 ，升級做套餐，有多杯飲品同埋甜品。
意大利飯啱啱嚟到嘅時候，我就同朋友討論，佢啲意大利飯每一粒都幾硬身，幾有質感，唔會係好似漿糊咁。每一粒都好分明。
如果係要享受快餐嘅話，呢碟意大利飯應該會搞到消化不良。所以應該係要慢慢食嘅。
個醬汁幾香濃，幾唔錯。
鵝肝對於好多人來講都可能會有少少驚，對於我一樣都係，驚太油膩，所以我都叫餐廳特別俾咗啲醋。
餐廳俾咗我嘅係提子醋，點落去嘅時候，發現同鵝肝都幾夾，加咗醋之後嘅鵝肝，甜甜的，雖然都仲會有少少食油膩，但同醋撈埋一齊嘅時候嗰種感覺即刻冇咗。
就一啲都唔肥膩。
飲品叫咗凍咖啡，不過不失。
甜品方面嚟咗呢個雪糕窩夫，令我都幾有驚喜，我起初以為窩夫上面會係用好多cream堆砌而成，但佢嘅窩夫細細份，上面有好多士多啤梨醬，同埋雲呢拿雪糕，個味道都幾立體，唔會好寡。
個窩夫幾脆。配埋士多啤梨醬，都幾好食。
Post
