金船長餐廳 (Closed)

今晚好開心。。先生特別比驚喜我帶左我黎呢度食飯，佢話因為呢度有一個以黑松露為題材嘅得獎菜式，我一定會也鐘意嘅！餐廳環境唔算好大，但勝在每位待應嘅服務態度都好貼心！原來呢度嘅得獎菜式係呢個中間鋪滿左黑松露醬嘅pizza ，同平時食開嘅好唔同。。因為佢嘅"料"係鋪係入邊嘅，就好似一塊巨大嘅薄三文治咁樣，外脆內軟！待應仲好悉心為我地講解有3種食法！分別係就咁樣食，同埋沾提子醋食，同埋夾埋佢哋嘅蔬菜一齊食！果然三種食法都好唔同，第一種食法芝士味最香濃！第二種食飯食到提子嘈甜甜嘅香氣！至於第三種食飯就最Fresh 最清新！另外佢哋嘅羊架都煎得好唔錯，因為先生鍾意食比較生，叫左3成熟，好多時喺出邊食到嘅都會有少少over cook，但係呢度完全唔會！最值得一題係，配菜嘅薯蓉真係比到我好大嘅驚喜！入口超滑溜超軟熟仲有淡淡的牛油香味。仲有甜品心太軟同埋疏附你都整得好好食，好食過出邊甜品鋪。呢度嘅價錢唔算貴，下次都會再嚟。