金船長餐廳 (Closed)

一家人聚埋一齊食餐飯，係每月必做既事，今個月就搵左幾間餐廳，因為家人話好耐無食到西餐咁話。先食佢地餐廳介紹既主打菜式，黑松露醬芝士夾心pizza，外層係意大利馬斯卡普芝士，所以味道香濃口感又香脆，夾心係黑松露醬十分清香，加上點埋份自家製提子醋，醒胃之餘味道清甜，令味道更豐富，令這菜式更顯特別。另外呢份係蒜香炒青口，蒜味勁香加埋辣椒炒，令人更易入口，青口煮到剛熟，口感嫩滑而又無青味又無腥味，由於用橄欖油黎炒，食落就更健康。主菜係法國鵝肝炒飯，整份鵝肝三安士烤過後有陣燻香，鵝肝係入口即溶，口感滑完就已經溶晒，真係嫌份鵝肝太細。好在用埋鵝肝粒黎炒飯，令份炒飯香噴噴，一啖飯裡面就有幾粒鵝肝，感覺呢份菜式零舍貴格，連平時唔食鵝既阿媽，都讚好呢個炒飯呀。