鐵板工房

Open Now

Now Closed

之前食過一次海鮮炒麵，都覺得正正常常，於是今次再幫襯，不過就試其他嘢食。今次叫咗個「黑椒牛肉炒飯」，可能因為疫情關係，唔係太多人買嘢食，等咗唔駛10分鐘就已經有得拎。一打開個盒，聞到好勁黑椒味，同埋見到盒飯都幾多黑椒粒，鍾意食味濃嘅朋友應該會啱食。佢啲飯有少少濕，不過而家無得堂食，焗住喺個飯盒入面，無計，唔關間餐廳事，係無得堂食做成。食落都幾多牛肉，同埋都有肉味及有咬口，唔似一般茶記啲生炒牛飯咁，啲牛肉細細粒，同埋用鬆肉粉「嗱」到唔似牛肉。而且盒炒飯都唔貴，可以下次再試其他食物。