Video
Read full review
2022-06-30
734 views
餐廳：燒肉の牛太・本陣 (尖沙咀)地址：尖沙咀厚福街8號H8大廈21樓尖沙咀厚福街H8大廈有十幾二十間餐廳，有幾間我都去過🤓，不過話時話喺厚福街搵嘢食真喺好方便，因為乜嘢菜式嘅餐廳都有，今次就去咗呢間開咗接近10年嘅燒肉の牛太・本陣 @honjin_wagyu ，皆因之前去過佢哋觀塘APM嘅分店，食完都幾滿意佢哋高質嘅日本和牛🐮本陣同日本十幾個唔同產地嘅和牛養殖場合作🇯🇵，而最近主要用日本鹿兒島嘅黑毛和牛做主打，前排仲出咗一個全新Menu，我緊喺唔會錯過啦😎✝️黑毛和牛“極”牛柳 $249一隻牛大概得3%牛柳，相當稀有高級，位於牛腰內側細長嘅部分。原舊上…唔喺，應該喺勁到切完好似無切過咁嘅牛柳，以少見嘅直切刀功切成大約十片，咁樣直切可以將肉汁完全鎖緊💦。而因為肉質超軟嫩，無論點切都咁腍，每邊燒30秒就食得，食落軟嫩鮮美，肉汁豐富💦，連埋醃咗嘅蒜片同Wasabi真喺無得輸🤤✝️精選黑毛和牛4品 $189由餐廳每日去揀四個最靚嘅黑毛和牛部位，今日食到嘅有牛腩、牛脊、赤肉同牛肋肉🐂，啱晒想試唔同部位但喺又唔知點揀嘅人😌，每款有2-3件，1個人獨食或者兩個人開心share就最適合不過👥✝️黑毛和牛炙
地址：尖沙咀厚福街8號H8大廈21樓
尖沙咀厚福街H8大廈有十幾二十間餐廳，有幾間我都去過🤓，不過話時話喺厚福街搵嘢食真喺好方便，因為乜嘢菜式嘅餐廳都有，今次就去咗呢間開咗接近10年嘅燒肉の牛太・本陣 @honjin_wagyu ，皆因之前去過佢哋觀塘APM嘅分店，食完都幾滿意佢哋高質嘅日本和牛🐮
本陣同日本十幾個唔同產地嘅和牛養殖場合作🇯🇵，而最近主要用日本鹿兒島嘅黑毛和牛做主打，前排仲出咗一個全新Menu，我緊喺唔會錯過啦😎
✝️黑毛和牛“極”牛柳 $249
一隻牛大概得3%牛柳，相當稀有高級，位於牛腰內側細長嘅部分。原舊上…唔喺，應該喺勁到切完好似無切過咁嘅牛柳，以少見嘅直切刀功切成大約十片，咁樣直切可以將肉汁完全鎖緊💦。
而因為肉質超軟嫩，無論點切都咁腍，每邊燒30秒就食得，食落軟嫩鮮美，肉汁豐富💦，連埋醃咗嘅蒜片同Wasabi真喺無得輸🤤
✝️精選黑毛和牛4品 $189
由餐廳每日去揀四個最靚嘅黑毛和牛部位，今日食到嘅有牛腩、牛脊、赤肉同牛肋肉🐂，
啱晒想試唔同部位但喺又唔知點揀嘅人😌，每款有2-3件，1個人獨食或者兩個人開心share就最適合不過👥
✝️黑毛和牛炙燒他他 $139
平時嘅和牛他他都喺就咁撈生雞蛋，呢度嘅和牛炙燒他他以生和牛牛柳心🥩，撈埋清新嘅白蘿蔔蓉同日本雞蛋🥚，肉質軟腍有入口即溶嘅感覺
✝️一本大蝦 $49
一客有兩隻啖啖肉、份量十足嘅大蝦🦐，中間嘅蝦腸一早已經被挑出，新鮮大蝦肉質爽彈，放喺爐中心慢燒🔥，咁就唔怕蝦殼會被燒燶，而最後緊喺吸吮埋蝦頭入面嘅蝦膏啦
✝️極上炙燒帆立貝伴魚籽 $119
勁大隻又肥美肉厚嘅帆立貝，蘸過之後輕輕放上爐燒幾燒，連埋粒粒爆汁嘅三文魚籽用紫菜包住，魚油加上帆立貝嘅鮮甜，一定要成舊放入口先夠滋味好食🤩
✝️盛岡冷麵 $49
日本岩手縣盛岡市好出名嘅食物，以爽口麵條加上西瓜🍉、泡菜、雞蛋🥚，本身以為好唔match但點知食落味道又幾夾😋，有消暑下火、涼浸浸嘅冷麵，食多幾舊燒肉都無問題🤪
另外仲叫咗鹹香十足、加咗日式醬汁同粒粒芝麻嘅紫菜沙律🥗($59)、
自己撈自己燒嘅蟹肉盛味噌甲羅燒🦀($89)、
細細碗但夠晒鮮味嘅迷你魚籽蟹肉飯($59)，最後仲有加咗花奶同忌廉嘅咖啡啫喱($39)，相當和味，最重要食完一啲飽滯感都無🥰
Post
