泛后甜品 (Closed)

本來對泛后都唔係太大興趣,覺得佢d甜品都比較求其....今次黎到,都唔知食乜好,又唔想食凍冰冰o既棉花冰...唔想食涼粉,西米露咁....熱糖水又覺得佢整得麻麻....望一望個牌見到"黑白有滑",朋友仲話好多次黎都食唔到....咁我即管試下啦....黎到都幾大碟喎,"黑"好香濃o既芝麻醬,都唔算太甜,味道濃郁, 跟住"白"係個類似用豆漿加左大菜整出黎o既"布甸"咁,都好香豆味,不過唔覺甜,可能係"黑"o既味比較濃"白"就淡口d,加上面頭有d黃豆粉,食落又好似花生咁...成個配撘都幾特別,感覺都幾健康,加埋都唔算太甜,都應該幾o岩怕太甜o既人,又鍾意芝麻o既人食...可以一試呀! 建議可以將"白"整甜返少少,同埋可以加返d蛋白,令佢再滑d...