Contrast

Open Now

Now Closed

今日難得同女朋友一齊放假，諗住同佢搵一間港女Cafe等佢開心吓。上網搵到長沙灣有一間主打黑白主題嘅餐廳，食物水準睇落都唔錯，二話不說諗住去食個branch。我哋係平日兩點倒去度，都要排大概半個鐘隊先有位，如果大家朋友要來嘅時候注意啦。首先第一個印象就係定價唔貴。全黑既多士好有自家嘅特色，配合雲石圖案嘅底碟，打卡一流。竹炭多士食落其實同普通多士冇乜大分別，牛油果以及蕃茄莎莎都好新鮮。牛肉漢堡料比得好足，大量嘅沙律菜加埋蕃茄，芝士以及厚厚既牛肉漢堡扒，如果係女士細食d分分鐘食唔曬。牛油果角都幾出色新奇，清新得黎無平時薯條咁重嘅飽滯感。