滿記甜品 (Closed)

滿記甜品對我呢個甜品控黎講算係一間性價比低既糖水鋪，款式雖多但大部份都普通款式，但收費比同類糖水收得高啲，所以好少去，但有一個系列係我覺得真係未有一間糖水店可以取代，就係黑糯米系列黑糯米系列大約有十款揀，有涷有唔涷，有得連涼粉雪糕或者純食熱既椰汁，由於黑洞係個芒果糯米飯既超級fans，所以覺得黑糯米一定要配椰汁先岩，但滿記就推翻左我呢個想法，因為原來配埋云尼拿沙冰係可以咁夾架云尼拿沙冰唔會過甜，淡淡地更加唔會搶去黑糯米既香，呢到既黑糯米既煙韌度永遠係令人最停唔到口既雖然個碗細左啲，但食過咁多次都係兩大球黑糯米，從來都無偷工減料，大大既滿足呀真係