金裝燉奶佬餐廳 (Closed)

今晚要陪媽咪去SOGO買飲衫，其實只係佢話好耐未去shopping買衫，想出去行下，順便想偷懶下唔煮飯，買嘢都要先醫肚，本嚟我話想請佢去食大餐，但佢話求其食D飽肚就算喇，附近我記得有金裝燉奶佬餐廳，嗰度嘅黑糖燉奶唔錯。餐廳係翠華隔離，好容易穩，呢個甜品性價比好高，唔洗$20，一大碗黑糖燉奶，燉奶好香滑，雖然係話黑糖但唔系好甜，味道剛剛好，椰汁凉粉水性價比仲高，有凉粉同埋椰粉，甜甜地感覺幾好。香茅豬扒豬飯同芝士焗雞扒意麵，豬扒同雞扒都做唔錯，特別係芝士焗雞扒，味道好正，媽咪話距嗰份豬扒都唔錯哦，分量足夠大，食到我地兩個都好飽。