老虎堂黑糖專売 (Moved) New Location

行過屯門VCITY，原來老虎堂係依度都有分店。見又唔係特別多人排隊，我地都買番杯黎試下先。我叫左凍黑糖珍珠厚鮮奶($30),朋友叫左凍虎虎生風厚鮮奶,都係30蚊飲落不會過甜，鮮奶用上明治4.3特濃牛奶，夠哂香濃。珍珠夠Q彈有咬口而不會過硬。另外我欣賞佢會係飲品表面灑上少少黑糖，吾會淨係得黑糖的死甜～甜度剛好，另外喜歡老虎堂用黑糖＆鮮奶撞出黎既紋路相當吸睛，打卡效果一流。要挑剔既話，唯一係太多冰，好快令到成杯野味道淡左，如果可以既話最好叫佢少冰。