李圓圓 (庇利金街) (Closed)

黑糖珍珠真係好邪惡，但係要戒甩真係好困難，所以飲親珍奶一定要飲好飲嘅，如果唔係就會白白浪費一個邪惡嘅quota。李圓圓來自台灣淡水，打正台灣古早旗號，當然唔可以錯過。夜晚特登食light d，留返個quota飲佢嘅黑糖珍珠鮮奶。佢嘅選擇唔一般台式飲品舖頭咁多，只係集中做黑糖珍珠系列嘅飲品，當然都有古早味嘅冬瓜檸檬呢啲清新嘅嘢。由於已經係夜晚，飲茶我會怕瞓唔着，所以就揀咗黑糖珍珠鮮奶。佢仲有個version叫做黑糖珍珠鮮奶2.0 ，我諗應該係比較濃厚嘅奶？實在怕太邪惡，所以都係飲返普通鮮奶算。睇住佢個半透明嘅廚房入邊炒緊黑糖珍珠，就感覺到珍珠真係好新鮮。同埋佢係就算黑糖珍珠鮮奶都可以揀甜度，值得一讚杯野到手見到黑糖掛杯，好靚，又有勁多珍珠佢啲珍珠入口仲係暖暖地，外面稔稔地，裡面煙煙韌韌好QQ，市面上其他珍奶嘅珍珠都係凍嘅，口感比較硬，有時會𡁻到好攰，但李圓圓就完全唔會有呢個情況。不過佢嘅鮮奶味道比較淡口，可能因為咁就有2.00嘅出現，下次我應該會試吓2.0。