sofi Coffee (Closed)

自從搬咗去新屋之後，去九龍城就方便左，見呢排天氣有啲涼，咁就約咗朋友上嚟屋企打邊爐，要去買牛肉，但係星期日一定要11點之前去到，所以就一早已經喺九龍城附近徘徊。之前見有人介紹呢一間Cafe，一早已經book mark定，今日淨係想飲杯咖啡嚟頂下肚餓，所以就揀咗去試啦。餐廳嘅裝修以黑色為主調，今日有陽光慢慢滲入嚟，感覺非常舒服。叫咗一杯White Coffee （cappuccino) 叫咗中杯， $40～ 幾欣賞佢分咗三種唔同嘅size，好少小店會提供呢一種選項。靚靚嘅拉花，香濃嘅咖啡，同埋超滑嘅奶泡加埋一齊，就係一個Perfect Morning