椰粉湯紅 (Closed)

今日黎椰粉湯紅食lunch，人太多要排隊一段時間，不過好快就有位。見到呢度有首創竹絲海南雞（$80），同普通嘅海南雞黃色嘅表面唔同，佢係灰色皮，味道方面無太大分別，依然好嫩滑。配椰香飯，味道無咁油膩。另外加左菜心一碟（$12），好鮮甜爽脆。另外揀左咖哩牛坑腩（$63），味道係好正宗港式咖喱，好夠椰香味，味道濃厚而唔辣。配彩虹飯，即紅米加粟米粒，感覺健康。另外加左個是日食療湯（$15），係荷葉三豆湯，清熱化濕啱曬我。