Black Coffee

Open Now

Now Closed

位於旺角呢間黑色型格Cafe氣氛幾好，平日晚市都八九成滿，食物選擇算多，仲有啲fusion菜嘅感覺，小食、主菜、甜品嘅質素都幾好，價錢唔貴，推薦去試吓🙌🏻🔸芝士番茄焗肉丸 $92推薦🌟 比想像中好食！肉丸幾juicy，個芝士番茄汁好濃郁，調味啱啱好，除咗肉丸，仲有番茄肉，一齊食非常好味！🔸自家製蘑菇忌廉汁貓耳朵意粉配慢煮口水雞扒 $128呢個係招牌菜，又係必叫！貓耳朵意粉口感好煙韌，個蘑菇忌廉汁香濃又唔膩，有大量蘑菇，就咁食已經好正！口水汁煮雞扒呢個組合幾新鮮，慢煮完肉質軟滑，麻麻辣辣咁，更加開胃🤤🔸手打牛肉及原隻大蘑菇漢堡配薯條 $138漢堡都大個，望落幾吸引！牛肉夠厚身肉味濃，如果再juicy啲就更好！大蘑菇多汁，生菜番茄新鮮，麵包外脆內軟，仲有熱溶芝士同烤洋蔥，整體幾好食！薯條都同樣出色，厚切香脆，份量又多～ 🔸蘋果金寶法式千層酥配香草雪糕 $70幾打卡嘅甜品，千層酥鬆化，蘋果粒份量多，但對我嚟講都幾甜😂 揀其他味應該無咁甜～ 見到隔離枱個窩夫都幾吸引，超級大份！