16 Shell (Closed)

早前得朋友相贈自製黑蒜，想不到生蒜發酵後會沒有了原本蒜頭的辛辣味，變成甜甜的蒜味，保健養生又易入口。從OR得知天后16 Shell最出名係黑炭黑蒜蓉包，是晚有緣與好姊妹在附近可以到此一試。平日晚上高朋滿座，餐廳播著輕音樂，氣氛輕鬆自在，最適合與友人共聚。黑炭黑蒜蓉包微暖，中間濕潤原來已加上黑醋調味，蒜蓉包入口外脆內軟唔會乾硬，有甜甜的黑蒜同醋味，每人兩三件剛剛好。海鮮意大利麵配蒜蓉汁，一上枱已經聞到濃濃的蒜蓉香味，意大利麵有少少蒜蓉湯汁喺底唔會好乾，海鮮如青口鮮蝦魷魚圈蜆肉新鮮鮮甜。無骨雞脾意大利麵配Olio Style方法烹調，令人想起避風塘風味，炸蒜量多，唔係好食得出咸魚仔味，本來應該好香口不過炸蒜炸過火有少少燶味。雞脾起肉皮脆肉嫩。自家製乳酪酸甜適中，中間有果醬點綴旁邊放滿藍莓，份量頗大味道清新，唔似一般西式甜品比較厚重。叫上洋甘菊茶可以與姊妹好好閒聊渡過愉快晚上。