Video
Read full review
2022-06-12
131 views
Bookmark左呢間米芝蓮必比登推介小店好耐！倆口小吃主打台灣刈包，亦有供應壓餅、雪糕潤餅、炸白玉、炸蕃薯條等台式小食。小店長期超長人龍！今次終於的起心肝排隊！就算落大雨都阻唔到我！小店1230開門，下雨天1150到達，成功排第三。大概1250就拎到，岩岩好一個鐘就拎到手~⚠️小店逢星期一二休息，建議大家去之前先睇睇佢地嘅IG，避免摸門釘▪️傳統刈包加柚子醬 $42刈包超軟熟！帶點柔韌彈性，完全唔黏牙。入面嘅五花腩超入味！肉質軟腍，肥膏位近乎入口即溶。配上酸菜同柚子醬，酸甜開胃，可以一減油膩感。加埋花生碎同芫荽，味道層次比想像中豐富，都幾清新，唔會好膩。▪️黑蒜菇菇炸包 $45新品！比起傳統刈包厚勁多！經油炸嘅刈包外脆內軟，好有炸饅頭嘅感覺。香口得黎又唔會好油膩，質地就相對不經油炸嘅刈包有咬口。中間嘅酥炸金菇炸得超脆超香口！亦有啲煎嘅秀珍菇 增添濕潤感。黑蒜味道突出，但又唔算話好濃。炸包面頭仲舖左唔少巴馬臣芝士同油封茄乾，增添一絲酸甜鹹香。味道同樣豐富，亦比傳統嘅刈包香口濃味，家姐呀妹一致鍾意呢個多啲。▪️小山園抹茶Cream cheese壓餅 $35壓餅煎得好香，毫無油膩感~ 大啖大啖咬爆
小店長期超長人龍！今次終於的起心肝排隊！就算落大雨都阻唔到我！小店1230開門，下雨天1150到達，成功排第三。大概1250就拎到，岩岩好一個鐘就拎到手~
⚠️小店逢星期一二休息，建議大家去之前先睇睇佢地嘅IG，避免摸門釘
▪️傳統刈包加柚子醬 $42
刈包超軟熟！帶點柔韌彈性，完全唔黏牙。入面嘅五花腩超入味！肉質軟腍，肥膏位近乎入口即溶。配上酸菜同柚子醬，酸甜開胃，可以一減油膩感。加埋花生碎同芫荽，味道層次比想像中豐富，都幾清新，唔會好膩。
▪️黑蒜菇菇炸包 $45
新品！比起傳統刈包厚勁多！經油炸嘅刈包外脆內軟，好有炸饅頭嘅感覺。香口得黎又唔會好油膩，質地就相對不經油炸嘅刈包有咬口。中間嘅酥炸金菇炸得超脆超香口！亦有啲煎嘅秀珍菇 增添濕潤感。黑蒜味道突出，但又唔算話好濃。炸包面頭仲舖左唔少巴馬臣芝士同油封茄乾，增添一絲酸甜鹹香。味道同樣豐富，亦比傳統嘅刈包香口濃味，家姐呀妹一致鍾意呢個多啲。
▪️小山園抹茶Cream cheese壓餅 $35
壓餅煎得好香，毫無油膩感~ 大啖大啖咬爆晒餡。抹茶cream cheese軟滑，不過cream cheese嘅味道就比茶香突出得多，茶控少失望。餅皮一面較厚，軟糯無乜味，但overall相對餡料黎講都算薄~ 雖然甜度唔高，但食食下都幾漏，建議同朋友開心share~
▪️芋泥肉鬆壓餅 $28
壓餅面頭舖滿肉鬆同紫菜，食落更香口。入面嘅芋泥軟綿，保留左啲芋頭粒增添口感。雖然芋頭香氣唔算好濃，但感覺上無加太多調味，都食到啲芋頭嘅天然香甜。整體嚟講，刈包層次比想像中豐富得多，值得一試！壓餅反而無咁有驚喜~ 如果順路經過元朗，又可以半個鐘內食到，都會encore (不過應該冇乜機會發生)
Post
