強記飯店

Open Now

Now Closed

有時習慣左寫食評，唔係話一定食左D咩大餐，有時簡單一餐都記錄低，只為以后有時間睇返轉頭嗰時可以淋返起生活中嘅點點滴滴，有種回憶嘅感覺，今日要寫低嘅係強記飯店，簡單嘅一餐燒味飯。其實強記嘅燒臘都唔錯，不過就當然無阿甘燒鵝咁出名，點一個套餐比較抵食，有湯有飯同埋一大碟燒味，叉燒燒鵝拼盤，叉燒都燒得幾好，不過就燒得有D過火，硬左D，燒鵝就好正，皮脆肉滑，咬落仲有D燒鵝汁流出嚟，分量又多。黑蒜響螺湯顏色唔靚，黑黑地，但有益，可以滋補下身體，不過蒜味有D重，可能有D人接受唔到，我就覺得幾好飲。