壹級日本料理 (Closed)

第一次黎美林邨，想唔到會食到咁正既火鍋，特别依家天氣咁凍，食落去暖笠笠，好正！ 呢個黑豚肉火鍋（$188）完全估唔到咁大份量，上桌先知咁足料，有菜有肉，每盤都有畫板咁大，誠意可嘉，營養均衡，一定唔驚肥哈哈！蔬菜睇得出全部都好新鮮乾淨，擺得咁靚令人食欲高漲！特别個豬骨湯底要重點推介！未滚已經香味四溢，黑豚肉浸下去後又滑又惹味，蔬菜都好易吸收到濃濃的湯底，完全不用點任何醬汁已經好好食呢~我幅相影得比較差，呢個蟹丼另一邊仲有兩大塊蟹柳，真係好多配料，鮮甜爽口，一邊食火鍋一邊食下小清新，唔錯。忌廉蟹肉薯餅~很推介既炸物！粉漿厚度剛剛好，入面D蟹肉熱騰騰，甚有咬口，大滿足！ 呢餐唔係叫左好多，但幾個人都夠飽，所以唔貴，以質素來講都好滿意。下次仲想試埋刺身啊。