海港酒家

Open Now

Now Closed

難得禮拜日唔使返工，立即做孝子帶屋企人去飲茶。今次揀左係中染大廈8咪半既海港酒家。確實位置就係荃灣地鐵站同愉景新城中間，兩個地方都有天橋連去，好方便。好好彩唔使點等位就有枱，立即睇下有咩食先。經過一輪苦惱，決定叫個餐再加兩個點心。餐叫左咕嚕黑豚肉加欖菜海鮮炒飯，另外加左黑金流沙包同埋原隻大蝦燒賣啲野食好快就到，值得一讚，因為我地都有啲餓咕嚕黑豚肉份量唔算太多，但勝在豚肉夠淋，個準酸酸甜甜亦都好開胃，仲有蜜桃，菠蘿同青紅椒，好快就俾我地KO哂欖菜海鮮炒飯飯粒炒得乾身，味道調得岩岩好，加埋啲蝦肉，相當唔錯!燒賣上面嘅蝦肉非常爽口，一啖食一粒好滿足去到我最期待嘅流沙包!!!一上枱，『下爆左嘅』其中一個已經爆左啲餡出黎。呀姐仲話『爆左先好』 諗到如果我地唔要呢籠，啲點心可能會報廢浪費食物，是但啦 講返個包，賣係吸引嘅，黑加金好有型入面個流沙餡咸蛋黃味道都幾重，如果唔係爆左，我會俾佢85分