Video
Read full review
2019-06-26
286 views
唐宮小聚 (荃灣)約左一大班朋友食飯，終於唔係打邊爐，韓燒，放題乜乜乜😅今次揀左間中菜，朋友話呢度嘅乳鴿同流沙包好食🤙🏻🤙🏻一坐低俾個碗嚇親，點解有幾隻蟻係碗入面，原來係圖案，幾得意啊下♥️白玉王鴿（$33一隻）一呢即刻叫左一人一隻先！乳鴿表面好靚，色澤均勻，食落去都幾香口，唔使點野都夠味，唯一不足係太細隻了，好想食多隻😭點來聚聚（$69五件點心）見到張圖啲點心五顏六色好得意，所以叫左。我就食左粉紅色嗰隻，其實係一隻蝦餃，食完先諗到一個問題，咁樣每款唔同，只可以每人食一樣😂😂😂😂小蠔煎餅（$79）可以不嗌，食過好食嘅蠔餅，呢啲真係唔入流，超級多炸粉，好少蠔。👎🏻👎🏻鳳梨咕嚕（$89）呢個其實係普通咕嚕肉，底層加左冰底，令到食落口有外凍內暖嘅效果，都幾得意，仲有唔用菠蘿改用密瓜。火焰菠蘿（$109）俾個名吸引左，睇吓有幾火焰🔥菠蘿上左枱之後，侍應隨即點火，成個菠蘿著曬火，都幾吸晴。不過諗落都係綽頭野，對味道應該冇乜影響。打開菠蘿入面係咖哩菠蘿牛腩，食落都幾辣，遮蓋左咖哩嘅香。龍鬚芥蘭（$69）第一次見到啲芥蘭𠝹得咁靚，😂😂😂不過份量太少，幾個人
約左一大班朋友食飯，終於唔係打邊爐，韓燒，放題乜乜乜😅今次揀左間中菜，朋友話呢度嘅乳鴿同流沙包好食🤙🏻🤙🏻
一坐低俾個碗嚇親，點解有幾隻蟻係碗入面，原來係圖案，幾得意啊下♥️
白玉王鴿（$33一隻）
一呢即刻叫左一人一隻先！乳鴿表面好靚，色澤均勻，食落去都幾香口，唔使點野都夠味，唯一不足係太細隻了，好想食多隻😭
點來聚聚（$69五件點心）
見到張圖啲點心五顏六色好得意，所以叫左。我就食左粉紅色嗰隻，其實係一隻蝦餃，食完先諗到一個問題，咁樣每款唔同，只可以每人食一樣😂😂😂😂
小蠔煎餅（$79）
可以不嗌，食過好食嘅蠔餅，呢啲真係唔入流，超級多炸粉，好少蠔。👎🏻👎🏻
鳳梨咕嚕（$89）
呢個其實係普通咕嚕肉，底層加左冰底，令到食落口有外凍內暖嘅效果，都幾得意，仲有唔用菠蘿改用密瓜。
火焰菠蘿（$109）
俾個名吸引左，睇吓有幾火焰🔥
菠蘿上左枱之後，侍應隨即點火，成個菠蘿著曬火，都幾吸晴。不過諗落都係綽頭野，對味道應該冇乜影響。打開菠蘿入面係咖哩菠蘿牛腩，食落都幾辣，遮蓋左咖哩嘅香。
龍鬚芥蘭（$69）
第一次見到啲芥蘭𠝹得咁靚，😂😂😂不過份量太少，幾個人食左幾條就冇，味道就正常，不過不失。
芝士蟹飯（$89）
俾嗰名呃左，一定冇下次，炒飯黎講都幾冇鑊氣，又話蟹飯，蟹絲都食唔到😢😢好普通嘅一個飯👎🏻👎🏻👎🏻
黑金流沙（$49三個包）
黑色配上金色，有型之選，打卡一流！
樣就OK，食落唔講得少，啲流沙一咬爆曬入口，蛋黃味唔會蓋奶味，唔會漏！呢個要嗌♥️♥️
味道:🤤🤤🤤
價錢:💰💰（啲野份量好少😢）
環境:👍🏻👍🏻👍🏻👍🏻👍🏻
地點: 唐宮小聚 (荃灣)
荃灣楊屋道1號荃新天地1期UG層43及81號舖
#hkfood #hkfoodie #荃灣美食 #唐宮小聚 #hkblogger #hkfoodblogger #eatkids123
Post
