鳴虎 (北帝街) (Closed)

今日黎到土瓜灣，經過北帝街見到呢間鳴虎，係新開張既拉麵店，店舖裝潢甚具特別，卡位寬敞坐得舒適，店員親切有禮，一於試下~店面走簡約風，免費提供冰涼檸檬水。拉麵共4款湯底供選擇，設有多款小食，亦可追加配菜。黑鳴虎即豬骨湯加入黑蒜油及墨魚汁，新開張期間更贈送紫菜及流心半熟蛋。湯頭濃郁芳香，鮮甜不死鹹，恰度好處，麵條爽口彈牙有嚼勁，掛湯力佳。綠虎為豬骨湯加入芫荽及香味油，淡淡芫荽香不會過濃，香味清新， 湯頭溫順清爽，飲落喉嚨舒服。麵條彈韌有勁道，口感順爽Q滑。鰹魚汁浸菠菜涼拌菠菜夠哂鮮甜爽脆，充滿鰹魚汁香，好味又有營養。