Video
Read full review
2020-05-21
711 views
過去幾年，每到灣仔，必定係因為公事。因公到灣仔，必定獨訪黑龍。上個星期六到銅鑼灣辦事，又心癢難搔，完事又特登搭車到灣仔，食個「牛筋Black」拉麵。每到黑龍必食「牛筋Black」，點知一坐低店員就話因為無「牛筋Black」用開個隻麵，所以只剩白雞鹽味拉麵可點。我若有所失，重覆問了兩次，店員又重覆兩次。老實說，論豚骨拉麵，出面大把選擇，「牛筋Black」無，豚骨拉麵又無，要食雞湯不如行遠少少食「鳥華」。「鳥華」可能比開業時差，但黑龍贏唔贏到？好難講。更何況，我就係衝住「牛筋Black」而來，如果只有雞湯實在入門時應該出聲，當下於是就想離席而去—其他野我可以忍，拉麵我唔得。另一位店員好野，即刻上前話用第隻麵代替—太好了，有得食。等候其間，諗諗下又覺得唔怪得人：一時漏講啫，又不必太介意。點咗「牛筋Black」，再加辣木耳，一碗白飯—自從學日本人食拉麵加白飯就番唔到轉頭，而「牛筋Black」又的確好配飯，多多都食得落。麵用咗第種，無問題。湯底照舊夠熱又有少少黏口，重點係濃而不鹹，配上生洋蔥，輕輕刺激層次更豐富。牛筋對食開潮州粉麵既香港人而言無甚特別，值得讚係牛筋從來唔「渣漏攤」，軟淋可口而不致
牛筋Black拉麵
$98
50 views
0 likes
0 comments
過去幾年，每到灣仔，必定係因為公事。因公到灣仔，必定獨訪黑龍。上個星期六到銅鑼灣辦事，又心癢難搔，完事又特登搭車到灣仔，食個「牛筋Black」拉麵。
每到黑龍必食「牛筋Black」，點知一坐低店員就話因為無「牛筋Black」用開個隻麵，所以只剩白雞鹽味拉麵可點。我若有所失，重覆問了兩次，店員又重覆兩次。老實說，論豚骨拉麵，出面大把選擇，「牛筋Black」無，豚骨拉麵又無，要食雞湯不如行遠少少食「鳥華」。「鳥華」可能比開業時差，但黑龍贏唔贏到？好難講。
更何況，我就係衝住「牛筋Black」而來，如果只有雞湯實在入門時應該出聲，當下於是就想離席而去—其他野我可以忍，拉麵我唔得。
另一位店員好野，即刻上前話用第隻麵代替—太好了，有得食。等候其間，諗諗下又覺得唔怪得人：一時漏講啫，又不必太介意。
點咗「牛筋Black」，再加辣木耳，一碗白飯—自從學日本人食拉麵加白飯就番唔到轉頭，而「牛筋Black」又的確好配飯，多多都食得落。
麵用咗第種，無問題。湯底照舊夠熱又有少少黏口，重點係濃而不鹹，配上生洋蔥，輕輕刺激層次更豐富。牛筋對食開潮州粉麵既香港人而言無甚特別，值得讚係牛筋從來唔「渣漏攤」，軟淋可口而不致溶爛，簡單食材簡單處理，最難是始終如一，好多餐廳做唔到。
辣木耳今次無分開上，直接放到麵上。黑龍的辣木耳亦是一絕，不下在日本博多一幸舍的辣高菜，辣味柔和，不喧賓奪主，配上拉麵同吃又是一種新感覺。
吃罷拉麵，建議大家有餘力就配多個白飯，湯底濃而不鹹，連飯吃又是一口接一口，結果湯又喝完，飯又吃完。枱頭有熱湯可自行添加，就是怕有食客受不了湯底的濃稠。我永遠不加，信師傅製作的味道。
最後，價錢不便宜。$98再加白飯$12再加辣木耳$12，都要$122，但值得。只要來灣仔，我都會再來黑龍。
Post
