一日三餐 (Closed)

見到新餐廳開，就去試一試。未夠12點，去到已見有十幾人排緊，不過好彩都係等咗十分鐘，就有位坐。坐底叫咗兩個午餐，呢度既飯，多數都係分開汁上，好細心，多少自己控制。 豬扒飯塊豬扒大大塊，仲有兩塊咁多，上枱時仲見到扒面既油仲滋滋卜卜咁，熱辣辣。牛扒蛋既牛扒，唔係大集團個隻薄薄，仲有濃濃牛味同埋兩隻蛋。望到其他人食既午餐，好似咸旦肉餅、梅菜扣肉都好吸引，不過會吸引我再去，會係個常餐。我一向都鐘意食早餐多過午餐既人，常餐係我經常食，見到左邊枱個人食緊豬扒麵，右邊枱食牛扒米，大大碗。但我個胃唔夠大再食，唯有下一次啦。臨走，仲見到老細，佢會幫手收野抹枱，親力親為。