Video
Read full review
2005-05-22
1 views
見咁多網友好評如潮, 今日又有事要出尖沙咀, 所以決定去一試.我同男友兩個人去, 7點去到, 下層三張枱都無人坐, 上層只淨翻一張, 上層D冷氣好D, 所以我地坐上層.我地order 咗牛肋骨, 石頭飯同年糕水餃. 前菜有成9碟, 炒粉絲一流, 泡菜都幾好, 不過D咸魚仔太咸, 其餘幾碟都OK 啦.牛肋骨($90): 果然好好味, 但係碎濕濕, 成碟先得三四片係完整小小. 仲有, 佢地無比菜我地包黎食, 正宗韓燒肉食法係要包菜食.石頭飯($90): 個飯黎果陣, 佢地會幫你撈個飯, 佢地會問你要唔要辣醬, 但男友唔食辣, 所以無加. 個飯無乜飯焦, 但唔差, 不過90蚊有D貴, 一個石頭飯得兩小碗.年糕水餃($80): 好大碗, 水餃100%係人手包, 一碗有六粒水餃, D年糕煮得過咗火, 好"林", 無曬年糕D咬口.D野食七點半到齊, 諗住慢慢食, 之後仲打算叫甜品, 但係間野8點鐘開始多人, 個老闆勁吹我地燒D牛肋骨, 五分鐘就上一上黎睇下我地食完未, 反而同場D韓國人佢地完全無吹佢地, D前菜亦無再潻比我地, 連茶都無潻, 我覺得好過份. 我地一心黎食飯, 唔係食快餐, 你間野多
我同男友兩個人去, 7點去到, 下層三張枱都無人坐, 上層只淨翻一張, 上層D冷氣好D, 所以我地坐上層.
我地order 咗牛肋骨, 石頭飯同年糕水餃. 前菜有成9碟, 炒粉絲一流, 泡菜都幾好, 不過D咸魚仔太咸, 其餘幾碟都OK 啦.
牛肋骨($90): 果然好好味, 但係碎濕濕, 成碟先得三四片係完整小小. 仲有, 佢地無比菜我地包黎食, 正宗韓燒肉食法係要包菜食.
石頭飯($90): 個飯黎果陣, 佢地會幫你撈個飯, 佢地會問你要唔要辣醬, 但男友唔食辣, 所以無加. 個飯無乜飯焦, 但唔差, 不過90蚊有D貴, 一個石頭飯得兩小碗.
年糕水餃($80): 好大碗, 水餃100%係人手包, 一碗有六粒水餃, D年糕煮得過咗火, 好"林", 無曬年糕D咬口.
D野食七點半到齊, 諗住慢慢食, 之後仲打算叫甜品, 但係間野8點鐘開始多人, 個老闆勁吹我地燒D牛肋骨, 五分鐘就上一上黎睇下我地食完未, 反而同場D韓國人佢地完全無吹佢地, D前菜亦無再潻比我地, 連茶都無潻, 我覺得好過份.
我地一心黎食飯, 唔係食快餐, 你間野多人一係擴充, 一係加枱. 佢地上黎趕客, 好過份, 果陣我地仲有一半未食完, 我地大約八點半食完, 佢地一見我地食完, 即刻收曬我地D碟, 成張枱淨翻2隻茶杯, 我地無表示過要埋單, 佢地竟然夠膽死收埋我隻茶杯, 之後我忍唔住話我仲要飲ga, 幫我潻茶. 佢先隔咗5分鐘先黎潻茶.
成枱得翻兩隻茶杯, 仲點叫甜品, 佢地咁既態度, 真係乜mood都無, 埋單果陣仲差, 我地落去樓下埋單, 個老細一句多謝都無, 連望你一眼都無, 佢一味淨係掛住趕客, 之後個老細仲飛我張信用卡落枱. 一D禮貌都無, 簡直離曬普!!!!!
D咁既態度, 真係點好食都無用, 香港唔係得你一間餐廳食韓國菜>_<''
Post