Video
Read full review
2015-11-29
1445 views
想去cafe，又唔想出到上環、旺角等地方，就近search下發現火炭都有小有名氣嘅特色cafe，又因為之前已經聽聞過呢間伙食工業，就決定左嚟食～星期日餐牌似乎同平日唔同，主要係台式食品。點左滷肉飯、藥燉排骨飯、鹽酥雞，飯後甜品Brownie，及兩杯咖啡。先食正餐，滷肉飯非常好味，我俾滿分！係手工滷肉，即係唔係用機絞嘅肉碎，而且毫不留手地落肥肉，而肥肉入口即融⋯⋯伸加上紅蔥頭炒，喺台灣水準都可以算係好食嘅滷肉飯！而且價錢只係$20! 我覺得係必食。另外鹽酥雞都還好，不過價錢比較貴，＄40只有5件。但係由佢有埋炸九層塔呢點我知道個廚係真係想將真正原味嘅台灣小食帶嚟香港。可惜嘅係，我點左嘅藥燉排骨極鹹，鹹到冇乜藥材香味。如果你係無敵食肉獸，你可能會中意，因為真係好大碗肉！（差不多係拉麵碗咁大，裝滿排骨）同左店員反映，佢話會同廚講聲⋯⋯我希望我嗰碗只係一時失手。飯後點左咖啡同Brownie. 咖啡可以揀hand drip或siphon，我試左日式炭燒hand drip，我非常中意～但可惜嘅係，個Brownie竟然硬到掟得死狗！食到某一個位，叉都叉唔開，唯有又向店員講，叫佢地注意下⋯⋯佢好好，轉
星期日餐牌似乎同平日唔同，主要係台式食品。點左滷肉飯、藥燉排骨飯、鹽酥雞，飯後甜品Brownie，及兩杯咖啡。
先食正餐，滷肉飯非常好味，我俾滿分！係手工滷肉，即係唔係用機絞嘅肉碎，而且毫不留手地落肥肉，而肥肉入口即融⋯⋯伸加上紅蔥頭炒，喺台灣水準都可以算係好食嘅滷肉飯！而且價錢只係$20! 我覺得係必食。另外鹽酥雞都還好，不過價錢比較貴，＄40只有5件。但係由佢有埋炸九層塔呢點我知道個廚係真係想將真正原味嘅台灣小食帶嚟香港。
可惜嘅係，我點左嘅藥燉排骨極鹹，鹹到冇乜藥材香味。如果你係無敵食肉獸，你可能會中意，因為真係好大碗肉！（差不多係拉麵碗咁大，裝滿排骨）同左店員反映，佢話會同廚講聲⋯⋯我希望我嗰碗只係一時失手。
飯後點左咖啡同Brownie. 咖啡可以揀hand drip或siphon，我試左日式炭燒hand drip，我非常中意～但可惜嘅係，個Brownie竟然硬到掟得死狗！食到某一個位，叉都叉唔開，唯有又向店員講，叫佢地注意下⋯⋯佢好好，轉頭返嚟話換過另一件蛋糕俾我，為食又貪心嘅我換左件pear crumble。pear crumble就普普通通正正常常啦。
總結而言，呢到環境唔錯，想悠閒文青一下都可以嚟～不過點菜要小心D，因為各道菜質素參差，建議跟食評點以免中伏。
Post