茶點點心專門店 (Closed)

同同事食晏。去咗試呢間野嘅點心。兩條友叫咗都幾多野食，好飽。環境一般，店子太細，坐得較迫。煎旦牛肉飯：牛肉係好似牛肉球嗰種，牛肉打到免治狀，整體味道平凡。糯米卷：係好飽肚嘅點心，糯米比較硬，味道也較淡，仲要有好多花生。奶黃水晶包：呢個好食，水晶皮厚度適中，一咬下去，奶黃餡即一湧而出。牛柏葉：一般貨鮮蝦腐皮卷：炸得香脆唔肥膩，鮮蝦也真係好爽口。煎蘿蔔糕：一大條一大條嘅蘿蔔絲，真材實料，煎得外皮燶燶地，味道也不錯。茶芥$4，揀咗五花茶。我覺得唔好飲，因為佢真係好似平時清熱飲嘅五花茶咁帶甜味。