香港入境事務處長官會所餐廳 (Moved) New Location

午飯想揾個地方坐耐啲，傾下同事間嘅趣事，就揀咗呢到😄因為平得黎質素都唔錯，款式都好多。🥟炸雲吞皮好脆，沾埋酸甜醬，好香口😂不過餡料份量有啲少，但呢個價錢算係咁。🥬烚菜心姐姐即刻烚，夠新鮮熱辣辣。大家記得食多啲菜🐔炸雞翼炸雞翼～我至細中意食。有芝麻，炸得岩岩好，肉質都好嫩滑，不過得微温🥕蘿蔔糕蘿蔔味夠，煎得夠晒可口。🧂椒鹽豆腐椒鹽份量剛好，唔會話太咸，配上淡淡嘅豆腐點綴。炸皮內嫩組合perfect match😌🦑椒鹽鮮魷唔會勁咸，魷魚好多肉，炸皮唔會太厚。🍜乾燒炒麵食點心之外，都要叫啲澱粉質填肚。「一乾一濕」就係呢係食法，雙重享受。❤️紅棗糕淡淡嘅紅棗味好清新，仲帶微微薑味，係好好嘅飯後甜品。