豪宴薈

Open Now

Now Closed

食完個蛇羹，跟住來跟屋企人過嚟飲茶。基本上因為佢就腳，好多時候都會嚟呢度食晚飯。但係都係覺得佢下午茶點心係出色過晚飯嘅。燒腩仔都幾夠脆，不過有少少鹹，但係都好過我早幾晚係大角咀食萬發真係食肥膏。個魷魚鬚都比起大角咀嗰間做得好起碼佢有椒鹽先真係椒鹽鮮魷。韭菜餃同埋叉燒酥啲餡都執得滿滿嘅，尤其是個叉燒酥唔係一啲碎碎嘅叉燒，反而有一片片嘅叉燒肉口感唔錯。鯪魚肉都打得好彈牙。個臘腸卷都唔會太肥，鹹魚肉餅同早幾日喺型點食個牛肉餅飯真係好食好多。另外試咗屋企人個甜品一啖，燉奶唔太甜都幾好味。唯獨四個鐘表現比較差，個粥底好似溝咗水咁樣，稀冷冷的。都係嗰句建議喺呢度都係食點心多過食晚餐。