彩福皇宴 (Closed)

老公要去銅鑼灣做啲嘢 ，順便去銅鑼灣度食lunch，同我講話好耐冇喺銅鑼灣飲茶啦，不如去搵間坐下啦，於是乎咪上openrice度睇下邊間，見到依間酒樓好多個like喎，一於去試下啦，唔好咪冇下次囉。酒樓環境不錯，感覺乾淨企理。叫左一個湯麵，幾種點心，意想不到的好味，尋回兒時同爸爸成日去酒樓嘆茶的味道呀！每樣點心都唔太咸，味道好好，點心師傅手勢值得一讚。特別最欣賞嘅係嗰碟竹笙高湯鮮竹卷，個湯非常好味，甘香清甜，老公讚不绝口。终於揾到間似樣嘅酒樓啦，下次要試下晚飯先。